حلم ..اتنين اتجمعوا واتلاقوا
مصاعب ومشاكل ودنيا
لكنهم قدروا ووصلوا
لانه قدر
ضيق وتعب وصبر
فقر وولاد ومرض
عمر بيجرى وسنين بتمر
ولسه عايشين
لانه قدر
عقد من 3 زهرات وفرع زتون
فى شالية جدورها اساسها صبارتين
فين صبرك يا صبار
فين خيرك يا زتون؟
ليه مش بنشوف منك غير الشوك
والمر والالام
لانه قدر
كفاية يا صبار شوكك جرحنى
كفاية يا زتون زيتك حرقنى
العقد بيتفرط والزهرات بتتزرع فى ارض تانية
ارض خصبة كلها خير
ولمين هتسيبوا الزهرة الباقية من بعدكوا؟
هتنسوها ولا هترموها اسيرة صبار وشوك
فين ارضك يا زهرة يا باقية؟
هتلاقييلك وطن ولا جذورك هتتقلع
يا زهرة دا قدر ولابد تشوفيه
لانه قدر
ولانه قدر لازم تستنى اوانك
ولانه قدر حتى و لو حد هانك
هتصبرى وتحتسبى لحد ما تلاقى بستانك
اما فى الدنيا او فى جنة الخلد ادامك
ما تستبعديش وما تياسيش من رحمة الهك
واياكى والبعد حتى لومين خانك
هتلاقى قدرك ويبئا ساعتها هنيالك
جايلك اكيد وهيقف ويدق على بابك
واسعى فى دنيتك وارضى لاجل ما تشوفى ثمارك
بذور وورود واوعى من اللى يهدم حياتك
دى دنيا فانية واوعى تنسى هدفك اللى فى دماغك
من حفظ قران وسنة ويا رب ينولهالك
كلمة يا زهرة و اجعليها حلقة فى ودانك
من بعد عن ربه تعب واوعى تطيعى شيطانك
دى قصة زهرة بحكى واقولهالكوا
قطوفها دانية
يمكن فى يوم تفتكروا اللى حكهالكوا
بدعوة صادقة فى جوف الليل يكفيكوا شر اعدائكوا
يرزقنى ربى الاخلاص ويرزقكوا
يأمن عليكوا ملك ويقولهالكوا
ولكم بالمثل كأن غيركوا دعاهالكوا
4 comments:
جميله اخيتى
رغم اننا ظلمنا القدر
واسندنا له كل ما نلاقيه من صعاب ومكاره
العيب منا وفينا....ام انه قدرنا؟؟
سؤال بات يحيرنا
لاشك انه نتاج تفاعل الاثنين معا
فنحن اسرى نفوس اماره...واسري قدر ماض
جزاكى الله الجنه حبيبتى قطوفها دانيه
وبارك الله لك في كلماتك
تقبلي خالص تحياتى
اختى فى الله ...حطم القيود
اعزك الله مجرد دخولك تشجيع لى فى بدايتى اسال الله ان يجمعنى بك فى جنة الفردوس
اللهم امين
اقدارنا ننساها او نتناساها
ونرجع تانى نعيش فى متاها
واهو قدر مقدر من القدير
وحتى لو شوفته عسير فهو فى الاساس يسير
يسير يسره لك ميسر كل عسير
فارضى به يسيرا كان او حتى عسير
فيكفى انه منزل من برضاه ييسر كل عسير
فانها اقدارنا خلق من اجلنا وخلقنا من اجلها
جزاكى الله خير اختى فى الله
ورزقنا الله وايكاى الرضا بالقدر
خير او حتى يسرا كان
وتقبل الله منا ومنك صالح الاعمال
اللهم امييييييييييييييين
شكرا ليك يا مصطفى ودايماكده منور البلوج بتعليقاتك الجميلة
Post a Comment